Во пресрет на продолжениот првомајски викенд, тимовите на ЈУ Национален парк Пелистер интензивно работеа на терен за уредување и обновување на најпосетените излетнички места. Паркот е целосно подготвен да ги пречека сите љубители на планината со подобрена инфраструктура и нови содржини за одмор и рекреација.
Обновени содржини на Голема и Мала Ливада
За површен и пријатен престој на сите генерации, локалитетите Голема Ливада и Мала Ливада се опремени со нови урбани елементи за рекреација и одмор.
Покрај тоа, реализирани се следните инфраструктурни подобрувања:
- Детска патека: Детската едукативна патека е целосно уредена и безбедна за најмладите.
- Нов пешачки мост: Изграден е нов мост кој овозможува полесен премин и подобра поврзаност на патеките.
- Адреналински парк: Адреналинскиот парк (за деца и за возрасни) ќе биде целосно во функција во текот на целиот празничен викенд.
Апел за одговорно однесување во природа
Убавото време е совршена можност за почеток на новата сезона на движење на планина, престој во природа и создавање здрави навики. Притоа, потсетуваме дека заштитата на Пелистер е наша заедничка одговорност:
- Чувајте ја природата чиста: Единствено соодветно место за одлагање на вашиот отпад во природа е вашиот ранец.
- Почитувајте го паркот: Движете се по обележаните патеки и чувајте ги обновените рекреативни елементи.
