Професионални сертифицирани водичи за вашата следна посета, авантура и незаборавно доживување на Пелистер
Изберете лиценциран, професионален и искусен водич кој ќе ви понуди безбедно, автентично и инспиративно планинско доживување. Претворете ја вашата посета на Пелистер во доживување што се памети. Нашите лиценцирани туристички водичи се тука да ве поведат по највпечатливите патеки, да ви ги откријат тајните на планината и да ви обезбедат безбедно, организирано и незаборавно истражување.
Со длабоко познавање на природата, локалните приказни, ретките видови и скриените места што не ги пишува во ниту еден водич, тие создаваат патување што е истовремено автентично, инспиративно и прилагодено на вашето темпо и интереси. Дозволете професионалците да се погрижат за секој детал — вие само уживајте во уникатните пејзажи, чистиот планински воздух и адреналинот на ново откритие.
Резервирајте водич и започнете ја вашата авантура на Пелистер
Изберете сертифициран водич кој најмногу одговара на вашите планови, без разлика дали станува збор за рекреативна прошетка, едукативна тура или планинарски предизвик. Нашите водичи ќе се погрижат за вашата безбедност, организацијата и целокупното доживување. Резервирајте и направете го првиот чекор кон незаборавна авантура на Пелистер.
Сертифицирани водичи
Планинарски водичи
Јонче Илиевски
Лиценциран планински водич
Јонче е сертифициран UIMLA планински лидер, што претставува највисок меѓународен стандард за водичи во светот. Со активна професионална кариера од 2018 година, тој е врвен познавач на секој скриен предел на Националниот парк Пелистер. Неговата експертиза е насочена кон креирање безбедни и автентични искуства, опфаќајќи летни пешачки тури, планински велосипедизам и комплексни зимски активности како ски-турно и тури со крпљи.
Неговото импресивно меѓународно искуство вклучува искачени врвови на Хималаите (Island Peak 6200m), Кавказ (Kazbek 5100m) и Алпите (Mount Blanc 4810m, Grossglokner 3798m и Marmolada 3343m). Како искусен алпинист со поминати експедиции низ цела Европа и Азија, Јонче нуди персонализиран пристап и стручно водење, претворајќи ја секоја авантура на Баба Планина во професионално и незаборавно планинско доживување.
Странски јазици: Македонски јазик / Англиски јазик.
Влатко Крбалески
Лиценциран планински водич
Влатко е искусен планинарски водич со лиценца A1 од 2014 година. Неговото портфолио опфаќа импресивна листа на искачени врвови, почнувајќи од сите највисоки масиви во Македонија и регионот (Бугарија, Грција, Србија, Босна и Црна Гора), па сè до значајни европски и светски дестинации како Триглав во Словенија и Елбрус во Русија.
Неговото меѓународно искуство е збогатено со експедиции на Алпите, вклучувајќи ги Мон Блан во Франција, Гросглокнер во Австрија, како и Монте Роза, Пирамида Винсент и Брајтхорн во Италија. Како врвен познавач на планината, Влатко нуди професионално и безбедно водење за сите кои сакаат да ги истражат пределите на Пелистер и пошироко.
Странски јазици: Англиски јазик.
Наташа Бошковска
Лиценциран планински водич
Наташа е дипломиран наставник и лиценциран планинарски водич со категории А1 и Б1 според UIAA стандардите. Со долгогодишно искуство во македонските планини и меѓународни експедиции на Мон Блан и Килиманџаро, таа е еден од најискусните водичи во регионот.
Покрај теренското водење, Наташа е активен ментор и креатор на првата наставна програма „Планинарство“ за основни училишта. Нејзината работа е фокусирана на безбедно водење и едукација на нови генерации планинари, пренесувајќи ја љубовта кон природата на професионално ниво.
Странски јазици: Македонски јазик / Англиски јазик.
Ана Крбалеска
Детски едукатор за адреналински парк
Ана е дипломиран професор на Факултетот за Факултетот за физичко образование, спорт и здравје (ДИФ), што придонесува за нејзиниот висок степен на професионализам и стручност во планинските активности. Со активен стаж на планина од речиси девет години, таа ги има искачено сите највисоки врвови во Македонија, како и значајните Мусала и Вихрен во Бугарија.
Нејзиното меѓународно искуство вклучува и бројни искачувања на планински масиви низ Босна и Херцеговина, Србија и Црна Гора. Како водич, Ана го спојува своето педагошко образование со теренското искуство, нудејќи безбедно и едукативно водење низ патеките на Националниот парк Пелистер.
Странски јазици: Англиски јазик.
Влатко Гроздановски
Лиценциран планински водич
Влатко е лиценциран планинарски водич со категории А1 и Б1 уште од 2015 година. Неговото долгогодишно искуство вклучува успешно искачување на сите највисоки планински врвови во Македонија и регионот (Бугарија, Грција и Косово), како и меѓународни експедиции на Алпите со искачување на Мон Блан.
Тој нуди професионално водење низ патеките на Пелистер, обезбедувајќи сигурност и стручност за сите групи посетители. Своите тури ги реализира на македонски и англиски јазик, што му овозможува лесна и директна комуникација со странските туристи и квалитетна презентација на природните убавини на националниот парк.
Странски јазици: Македонски јазик / Англиски јазик.
Водичи за планинарски велосипедизам
Јовче Даскаловски
Водич за велосипедизам
Јовче Даскаловски е искусен планински велосипедист со повеќе од 15 години активно возење и одлично познавање на сите МТБ патеки на Баба Планина и Националниот парк Пелистер.
Неговото знаење и теренско искуство овозможуваат безбедни, динамични и адреналински МТБ тури, прилагодени за сите нивоа – од рекреативни возачи до љубители на ендуро и даунхил.
Како член на велосипедскиот клуб „Екстрим Бајк Тим Битола“ и дел од организацијата на Пелистер Даунхил Куп, активно придонесува за развојот и промоцијата на Пелистер како една од најдобрите МТБ дестинации во регионот.
Странски јазици: Англиски, Германски
Радослав Јанкуловски
Водич за велосипедизам
Радослав е посветен љубител на планинскиот велосипедизам со повеќе од 15 години искуство и добро познавање на МТБ патеките на Баба Планина и Националниот парк Пелистер.
Неговото теренско знаење му овозможува да организира пријатни и безбедни МТБ тури, прилагодени за различни нивоа на возачи – од почетници до поискусни љубители на ендуро и даунхил возење.
Како член на велосипедскиот клуб „Екстрим Бајк Тим Битола“ и учесник во организацијата на Пелистер Даунхил Куп, активно придонесува кон развојот и промоцијата на Пелистер како атрактивна МТБ дестинација.
Странски јазици: Англиски, Германски
Андреј Нашоку
Водич за велосипедизам
Андреј има повеќе од 20 години искуство во планинскиот велосипедизам и одлично познавање на сите велосипедски патеки на Баба Планина и Националниот парк Пелистер, искуство кое му овозможува да организира безбедни, квалитетни и пријатни МТБ тури, прилагодени за различни нивоа на возачи – од почетници до напредни љубители на ендуро и даунхил.
Како еден од основачите на велосипедскиот клуб „Екстрим Бајк Тим Битола“, тој активно придонесува за развојот на МТБ сцената и промоцијата на Пелистер како атрактивна дестинација за планински велосипедизам.
Странски јазици: Англиски.
Тони Наковски
Водич за велосипедизам
Тони е ентузијаст и посветен љубител на планинскиот велосипедизам со повеќе од 10 години искуство на МТБ патеките на Баба Планина и Националниот парк Пелистер. Како член на Екстрим Бајк Тим Битола и еден од организаторите на пелистер даунхил куп, Тони е во постојана промоција на сите патеки на пелистер, од рекреативни до ендуро патеки кои се протегаат низ целата планина.
Странски јазици: Англиски.
Туристички водичи
Горан Пинза
Туристички водич
Горан е роден и израснат во Битола, со огромна страст за откривање на духот на својот роден град — место со единствен шарм и душа која мора да се доживее. Со повеќе од 15 години континуирано искуство во водење гости од целиот свет, неговата филозофија е дека вистинската магија на Битола лежи во приказните, легендите и скриените детали кои само локален водич може да ги оживее.
Неговата експертиза е насочена кон откривање на најфасцинантната и најавтентична страна на градот на конзулите. Преку неговите тури, посетителите добиваат многу повеќе од обична прошетка — тие добиваат длабок увид во историјата и секојдневието на Битола и потпелистерскиот регион. Секогаш сте добредојдени да се придружите на неговите тури и да го истражите градот низ очите на вистински професионалец и вљубеник во локалната култура.
Странски јазици: Англиски.