Ова е најживописната, но истовремено и една од најпредизвикувачките кружни планински велосипедски тури во Националниот парк. Ја комбинира посетата на глацијалното Големо Езеро со еден од најпознатите и најдобри технички MTB спустови во државата.

Детален опис на патека

Искачување кон Големо Езеро: Турата започнува од Инфо центарот на НП Пелистер (околу 1,250 м). Рутата постепено се искачува по широк макадамски пат, минувајќи низ шумски појас кој во горниот дел преминува во пространи планински ливади. Искачувањето завршува кај Големото Езеро (околу 2,200 м), од каде се нудат прекрасни панорамски погледи кон Преспанското Езеро и врвот Пелистер.

Спуст по „Дебел Рид“: Од езерото следува култниот спуст по патеката Дебел Рид кон населбата Ниже Поле (1,150 м). Оваа делница е долга околу 7 километри и претставува сериозен технички предизвик. Се карактеризира со стрмен терен, многу подвижни камења и тесни сегменти, што бара исклучително искуство и одлична контрола на велосипедот.

Враќање кон Инфо центар: Од Ниже Поле, турата продолжува по динамична комбинација од макадам и асфалт. Трасата се движи покрај колекторскиот канал и минува низ селото Трново, затворајќи го кругот назад до почетната точка кај Инфо центарот.

Превземете GPX фајл

Линк до GPX

Дигитален преглед на патека