Развивањето на еколошката свест започнува од најрана возраст. Децата кои имаат чест контакт со природата уште во детството, градат трајна љубов и почит кон животната средина и сè што нè опкружува. Токму такво искуство денес имаа учениците од ООУ „Елпида Караманди“ од Битола.
Директен контакт со дивиот свет
Под будното око на наставничките Ивана Наумовска, Мери Наумовска и Наташа Димовска, како и нашите искусни едукаторки Виолета Сотировска и Елена Џима Терзиевска, учениците влегоа во улога на вистински истражувачи.
Највозбудливиот дел од денот беше истражувањето на терен, каде децата имаа ретка можност во живо да ги видат малиот крт и шумската жаба, запознавајќи се со нивните природни живеалишта.
Активности во Инфоцентарот и лабораторија на отворено
- Инфоцентар: Учење за историјата и значењето на НП Пелистер преку изложбата на флора и фауна.
- Микросвет: Набљудување на инсекти под микроскоп, што им овозможи на децата да ги видат сложените детали на природата.
- Шумска училница: Разговори за тоа кој сè живее на планината и како секој од нас може да помогне во нејзиното зачувување.
