ЈУ Национален парк Пелистер и Здружението YMCA од ова лето започнаа со успешна соработка за реализација на Националните лидерски кампови за млади. Пелистер станува нов центар за едукација, личен развој и престој на младите лидери во природа.
Едукативни цели на камповите
Лидерските кампови се дизајнирани да им овозможат на младите стекнување практични вештини и знаења во неколку клучни области:
- Личен раст и лидерство: Градење самодоверба, тимска работа и менаџерски вештини.
- Кариерен развој: Подготовка за идните професионални предизвици.
- Животна средина и еко-едукација: Запознавање со биодиверзитетот и важноста од заштита на природата.
- Граѓански ангажман: Поттикнување активна улога во општеството.
Национален камп за девојки
Во моментов на терен активно се реализира Националниот камп за девојки, на кој учествуваат 50 млади девојки од целата земја.
Во рамките на нивниот престој во Националниот парк Пелистер се спроведуваат разновидни активности на отворено:
- Кампување и престој во природа;
- Активности и совладување препреки во Адреналинскиот парк;
- Организирано планинарење и еко-едукативни сесии.
Со оваа иницијатива, Пелистер продолжува да ја развива својата улога како пристапна дестинација за младински туризам, едукација и активен одмор.
