Како дел од активностите за заштита на лилјаците и нивните живеалишта, деновиве поставивме куќарки за лилјаци, во соработка со НП Пелистер и НП Галичица.
Поддршка за значајна група цицачи
Лилјаците се од исклучителна важност за одржување на рамнотежата во природата, а обезбедувањето на сигурни домови е клучен чекор во нивната заштита. Овие куќарки се специјално дизајнирани за да им понудат засолниште и услови за размножување.
Идни очекувања
Се надеваме дека во скора иднина овие куќарки ќе станат дом на оваа значајна група цицачи и ќе придонесат за зачувување на нивните популации. Оваа активност ја поставува основата за понатамошен мониторинг и научно-истражувачки дејности во нашиот парк.
