Пелистер е природно живеалиште на голем број диви животни кои имаат свои утврдени патеки на движење, терени и територии каде што егзистираат. Секој животински вид е подеднакво важен и има своја незаменлива улога во одржувањето на стабилноста и рамнотежата на екосистемите во Националниот парк.
Видео мониторинг на 40 локации
Со цел подобро запознавање и заштита на фауната, во моментов во паркот се спроведува интензивен видео мониторинг со помош на фото-замки поставени на 40 стратешки локации.
Ова видео е само еден мал дел од забележаните моменти кои го прикажуваат природното однесување на животните во нивниот автохтоно амбиент – во срцето на моликовите шуми.
Важноста на зачувувањето
Преку овие снимки не само што се собираат значајни податоци за научни истражувања и проценка на бројноста на популациите, туку и се подига јавната свест за важноста од зачувување на дивиот свет.
Погледнете го видеото од мониторингот на дивиот свет
