Првото издание на „Пелистерски вајб“, организирано по повод 8 Септември – Денот на независноста, донесе незаборавна енергија кај Инфо-центарот на НП Пелистер. Повеќе од 2.500 посетители уживаа во совршен спој на природа, музика и адреналин.
Адреналин и забава за сите генерации
Настанот беше обележан со промотивното отворање на Адреналинскиот парк, каде и децата и возрасните имаа можност да ги тестираат своите граници. Со понуда прилагодена за сите возрасти, „Пелистерски вајб“ покажа дека планината е идеално место за славење на слободата и заедништвото.
Силна поддршка од локалната заедница
За одличната атмосфера и енергија под отворено небо се погрижија познати диџеи и музички артисти (Nikifor, Elena Ivanoska, Kotex и Shvaba), додека локалните партнери (Бар Општина, Училница, Камарите, Де Ниро и Конец) ја збогатија понудата со врвна храна и пијалоци. Овој настан, реализиран со поддршка на Општина Битола, е потврда за огромниот потенцијал на Пелистер како дестинација за масовни и квалитетни настани.
