Најсигурната и најпрегледната патека за искачување на врвот Пелистер. Поради структурните карактеристики и поставената зимска маркација, таа е примарен избор за планинарење во снежни услови.

Детален опис на патека

Примарен макадамски сегмент: Трасата тргнува од Инфо центарот. Првите 8 километри се движат исклучиво по широк макадамски пат. Ова овозможува рамномерно темпо на одење и постепено совладување на висинската разлика без технички препреки.

Високогорски пасишта (Широка Ливада): По завршувањето на макадамот, патеката излегува на локалитетот Широка Ливада. Во овој појас шумската вегетација престанува, а теренот преминува во високопланинско пасиште со отворени видици. Тука трасата продолжува како класична планинарска патека која на одредени места го пресекува главниот пат.

Зимска безбедност: Клучна карактеристика на оваа патека е инсталираната зимска маркација (метални колци) која го покажува безбедниот правец на движење кога теренот е под длабок снег, избегнувајќи ги зоните со висок ризик од лавини.

Врв и опции за спуск: Целта е врвот Пелистер (2,601 м) до кој се пристапува директно по трасата. При враќањето, најголем дел од планинарите ја користат истата рута поради прегледноста, или ја комбинираат со спуштање преку патеката „По болници“.

Достапен извор на вода: На оваа патека достпни се повеќе чешми со планинска вода.

Превземете GPX фајл

Линк до GPX

Дигитален преглед на патека