Патеката претставува класична планинарска рута која се движи низ автохтониот шумски појас на петтоигличниот бор – Молика. Се карактеризира со умерена висинска разлика и нуди директен пристап до специфичните геолошки форми на Баба Планина.

Детален опис на патека

Првичен сегмент и искачување: Патеката започнува од Хотел Молика (1,420 м) со континуирано искачување во траење од околу 30 минути до планинарскиот дом Копанки (1,630 м). Овој потег се одвива низ густа борова шума со јасно изразена земјена подлога.

Јоргов Камен и панорамски точки: Од домот Копанки, наклонот се намалува. Патеката води кон видиковецот Јоргов Камен (1,747 м), каде шумата се разретчува и овозможува јасна видливост кон Пелагониската котлина и градот Битола.

Геолошки карактеристики (Камени реки): Долж рутата се поминува покрај т.н. „камени реки“ (морени). Ова се маркантни акумулации на гранитни блокови формирани преку глацијални процеси, кои претставуваат еден од најважните природни феномени во паркот.

Завршна точка – Црвени Стени: Дестинацијата Црвени Стени се наоѓа на 1,800 м надморска височина. Локацијата е препознатлива по изразените карпести формации.

Достапен извор на вода: На Јоргов Камен достпна е чешма со планинска вода, која е активна во поголемот дел од годината.

Превземете GPX фајл

Линк до GPX

Дигитален преглед на патека